प्यूठान जिल्ला स्तरिय महिला भलिवलको उपाधी गौमुखी गाउँपालिकालाइ

प्यूठानमा भएको प्रथम जिल्ला स्तरिय महिला भलिवल प्रतियोगिताको उपाधी गौमुखी गाउँपालिकाले जितेको छ ।

सामाजिक बिकास डिभिजन कार्यालय प्यूठानको आयोजनामा भएको सहिद कल्पना गिरि स्मृति प्रथम जिल्ला स्तरिय महिला भलिवलमा सरूमारानी गाउँपालिकालाइ पराजित गर्दै गौमुखि गाउँपालिकाले उपाधी जितेको हो ।

पहिलो सेट २०-२५ ले गुमाएको गौमुखीले दोश्रो २५-१७ र तेस्रो २५-१४ ले जित्दै उपाधि हात पारेको हो । प्रथम भएको गौमुखीले २५,००० नगद सहित प्रमाणपत्र हात पार्यो ।

यस्तै दोश्रो भएको सरूमारानीले २०,००० हजार सहित प्रमाणपत्र र तेस्रो भएको नौबहिनी गाउँपालिकाले १५ हजार पुरस्कार प्राप्त गर्यो । २ नगरपालिका र ७ गाउँपालिकाका ९ टिमको सहभागीता रहेको प्रतियोगितामा सान्तवना भएको स्वर्गद्वारि नगरपालिका टिमले ५ हजार पुरस्कार प्राप्त गरेको छ ।