फलफूल र तरकारीमा प्यूठान नगरपालिकाले उठाउन थाल्यो कर

प्यूठान नगरपालिकाले नगरपालिका बिहिरबाट आउने तरकारी तथा फलफूलमा कर लिन सुरु गरेको छ । आर्थिक बर्ष २०८१÷०८२ को पहिलो नगरशभाले नगरपालिका भित्रने सबैखाले फलफूल तथा तरकारीमा कर लिने निर्णय गरिएको र बिहिबारदेखी कर उठाउन सुरु गरिएको प्यूठान नगरपालिकाका प्रवक्ता सुमन श्रेष्ठले जानकारी दिनुभयो ।

प्रतिकेजी २० पैसाका दरले कर लिने निर्णय नगरपालिकाले गरेको छ । प्रवक्ता श्रेष्ठका अनुसार तरकारी तथा फलफूलको आयात कम गर्न र नगरपालिका भित्रकै किसानलाइ कृषिमा जोड्न आयातमा करको ब्यवस्था गरिएको हो । नगरपालिकाको प्राथमिकता भनेको जिल्ला बाहिरबाट आउने तरकारी तथा फलफूलको आयात रोक्ने नै हो । हालको निर्णयले अन्तरपालिकाको आयातमा पनि कर लाग्ने छ । प्यूठान जिल्लाकै अन्य स्थानिय तहबाट फलफूल तथा तरकारी प्यूठान नगरपालिकामा आए त्यसको पनि कर लाग्ने प्रवक्ता श्रेष्ठले बताउनु भयो ।