पौडीखेल्ने क्रममा झिमरुक खोलामा डुबेर मृत्यू

प्यूठानमा पौडी खेल्ने क्रममा डुबेर एक जनाको मृत्यू भएको छ । जिल्लाको प्यूठान नगरपालिका १ खैराका १४ बर्षिय बालक नोबेल आचार्यको झिमरुक खोलामा पौडी खेल्ने क्रममा डुबेर मृत्यू भएको हो ।
शनिवार दिउसो करिव साढे ४ बजेतिर झिमरुक खोलामा पौडी खेल्दै गर्दा डुबेर घाइते भएका बालकको उपचारका क्रममा प्यूठान अस्पताल बिजुवारमा मृत्यू भएको जिल्ला प्रहरी कार्यालय प्यूठानका सुचना अधिकारी प्रहरी निरिक्षक हरि भट्टराइले जानकारी दिए । घाइते बालकको साढे ५ बजेतिर उपचारको क्रममा मृत्यू भएको प्रहरीले जनाएको छ ।