माण्डवी अनलाइन प्युठान । प्यूठानमा १३ हजार ७ सय ६३ जना किशोरीहरूलाई पाठेघरको मुखको क्यान्सरविरुद्धको खोप दिइने भएको छ । जिल्ला भित्रका कक्षा ६ देखी १० कक्षासम्म अध्ययन गर्ने तथा बिद्यालय बाहिर रहेका १३ हजार ७६३ जनालाइ एच पि भी खोप दिन लागिएकाे हो ।
जिललाका १५० बिद्यालय तथा ६५ स्थानकोखोप केन्द्र मार्फत कक्षा ६ देखि १० सम्मका छात्राहरू र विद्यालय नजाने १० देखि १४ वर्षसम्मका किशोरीहरूलाई यो खोप दिन लागियको स्वास्थ्य कार्यालय प्यूठानका प्रमुख मधुसुदन खडकाले जानकारि दिए । जिल्लाका ९ स्थानिय तहका बिद्यालयमा अध्ययनरत १३ हजार ५४६ जना छात्रा र २ सय १७ जना बिद्यालय बाहिर रहेका किशोरिलाइ खोप दिने बताउनुभयो ।
गौमुखी गाउँपालिकामा बिद्यालयमा अध्ययनरत १ हजार ४४८ र बिद्यालय बाहिर रहेका ७७ जनागरि १ हजार ५२५, नौबहिनी गा पा मा १९५६, झिमरूक गाउँपालिकामा ४६६९, प्यूठान नगरपालिकामा २५६५, स्वर्गद्वारि नगरपालिकामा १७४६, माण्डवी गाउपालिकामा ११५३, मल्लानी गाउँपालिकामा ९३३, ऐरावती गाउँपालिकामा १००८ र सरूमारानी गाउँपालिकामा १४०८ गरी १३ हजार ७६३ जनालाइ खोप दिन लागिएको हो
प्रतिक्रिया