रविन विश्वकर्मा,प्युठान ।नौबहिनी गाउँपालिकाले प्रधानमन्त्री रोजगार कार्यक्रममा छनौट भएका ब्यक्तिहरुलाई सुरक्षा सामाग्री तथा परिचयपत्र वितरण वितण गरेको छ । प्रधानमन्त्री रोजगार कार्यक्रम अन्तर्गत आर्थिक वर्ष २०८१÷०८२ को लागि वडा नंम्बर १ देखि ८ सम्मका रोजगारीमा छनोट भएका ६९जनालाई सुरक्षा सामाग्री सहित परिचयपत्र वितरण गरिएको गाउँपालिकाका रोजगार संयोजक पर्वत केसीले जानकारी दिनुभयो । उहाँका अनुसार २०८१/०८२ को प्रधानमन्त्री रोजगार कार्यक्रममा १,२,३,४,र ८ नंम्बर वडाबाट ८/८ जना, वडा नंम्बर ५ र ६ बाट १०/ १० जना र ७ नंम्बर वडाबाट ९ जना गरी ६९ जना छनौट भएका छन् ।
छनौट भएका सबैलाई परिचयपत्र, काम गर्दा हातमा लगाउने पन्जा, हेल्मेट, ज्याकेट, बुट, प्राथमिक उपचार बक्स लगायतका आवश्यक सुरक्षा सामाग्री प्रदान गरेको रोजगार संयोजक केसीले बताउनुभयो । साथै उनीहरुलाई एक दिने अभिमुखिकरण दिनुका साथै १८ देखि ५९ वर्ष उमेर समुहका (महिला, आदिवासी, जनजाति, मधेसी, दलित तथा सीमान्तकृत समुदाय) बेरोजगार व्यक्तिको सुचिमा दर्ता हुन आवेदन दिने प्रक्रिया र समय सम्बन्धि भेला कार्यक्रम सेमत सम्पन्न गरेको बताउनुभयो ।
छनोट भएका ब्यक्तिहरुले सय दिनको रोजगारी पाउनेछन् । बेरोजगार,गरिब,विपन्न,एकल महिला, आदिवासी, जनजाति, दलित तथा सीमान्तकृत समुदायका नागरिकलाई रोजगारीमा सामावेश गरिएको केसीले बताउनुभयो । वडाले सिफारिस गरेको योजना अन्तर्गत गाउँपालिकाको कार्यपालिका बैठकबाट स्वीकृत भएका, पदमार्ग निर्माण, मोटर बाटो, खानेपानीको पाइपलाइ खन्ने लगायतका काम गर्नुपर्ने उहाँले जानकारी दिनुभयो ।
काम गरे बापत प्रतिश्रमिकले प्रतिदिनको ६ सय ८८ रुपैंया ज्याला पाउने छन् । माघ ३ गतेबाट रोजगारको काम सुरु गर्ने बताउनुभयो । प्रधानमन्त्री रोजगार कार्यक्रमको लागि चालु आर्थिक बर्षमा संघिय सरकाबाट करिब ७५ लाख रुपैंया बजेट विनियोजन भएको गाउँपालिकाले जनाएको छ ।
प्रतिक्रिया