माण्डवी अनलाइन प्युठान ।
जिल्ला समन्वय समिति प्यूठानको आयोजना, सेभ द चिल्ड्रेन इन्टरनेसनल, पिस नेपाल तथा बाल अधिकारका लागि नागरिक संस्थाहरूको सञ्जाल लुम्बिनी प्रदेशको प्राविधिक सहयोगमा पाँचौं जिल्ला स्तरीय बाल भेला, बाल क्लब सञ्जाल गठन तथा अभिमुखीकरण कार्यक्रम खलङ्गा, प्यूठानमा सम्पन्न भएको छ।
जिल्ला बाल अधिकार समितिका संयोजक तथा जिल्ला समन्वय समिति प्रमुख धरम बहादुर जीसीको अध्यक्षतामा सम्पन्न उक्त कार्यक्रममा जिल्ला बाल सञ्जाल सर्वसम्मत रूपमा गठन गरिएको छ। गठित जिल्ला बाल सञ्जालको अध्यक्षमा मनोज पोखरेल चयन हुनुभएको छ भने उपाध्यक्षमा पृथा श्रेष्ठ, सचिवमा शिक्षा बस्नेत, सहसचिवमा सिम्रन शर्मा र कोषाध्यक्षमा भेषमान कार्की चयन हुनुभएको हो।
त्यस्तै सदस्यहरूमा सागर गिरी, मनिषा अधिकारी र साधना शर्मा रहनुभएको छ। समावेशी प्रतिनिधित्व सुनिश्चित गर्ने उद्देश्यले दलित, अपाङ्गता भएका तथा यौनिक तथा लैङ्गिक अल्पसंख्यक बालबालिकालाई पछि मनोनयन गर्ने निर्णय पनि गरिएको छ।
कार्यक्रममा सामाजिक विकास डिभिजन प्रमुख रामकरण पाल, लुम्बिनी प्रदेश सामाजिक विकास मन्त्रालयका महिला विकास निरीक्षक कमला ज्ञवाली, पिस नेपालका कार्यकारी निर्देशक मणि प्रसाद गैह्रे तथा कालिका विकास केन्द्रका कार्यकारी निर्देशक राजेन्द्र भण्डारीको उपस्थिति रहेको थियो।
कार्यक्रम सञ्चालन लुम्बिनी प्रदेश बाल क्लब सञ्जालकी सहसचिव शितल भण्डारीले गर्नुभएको थियो।
प्रतिक्रिया