बदेर ठानेर गोलि चलाउदा किशोरको ज्यान गयो, किशोरी घाइते

जंगली जनावर बदेल ठानेर गोलि चलाउदा प्यूठानमा एक जनाको मृत्यू भएको छ । अर्का एक जना घाइते भएकी छन् । गौमुखी गाउँपालिका–४ सुँङगुरखालको जुपाल सामुदायिक वनमा गत चैत २९ गते राती भएको घटनामा नौंबहिनी गाउँपालिका–४ का १९ वर्षीय सुशिल परियारको गोलि लागेर मृत्यू भएको र उनीसंगै बसेकी गौमुखी गाउँपालिका–४ की १८ वर्षीया किशोरी घाइते भएकी छन् । जिल्ला प्रहरी कार्यालय प्यूठानका सुचना अधिकारी हरि भट्टराईका अनुसार घाइते किशोरीको लुम्बिनी सिटी हस्पिटल बुटवलमा उपचार भैरहेको छ ।
खर्सुको रुखमुनी बसीरहेका उनीहरुलाई बदेल ठानेर टाढैबाट गोलि प्रहार गर्दा सुशिल परियारको मृत्यू भएको जिल्ला प्रहरी कार्यालय प्यूठानले जनाएको छ । गम्भीर अवस्थामा फेला परेका परियार र किशोरीको उद्धारगरी जिल्ला अस्पताल पु¥याइएको थियो। त्यहाँबाट दुबैलाई थप उपचारका लागि लुम्बिनी सिटी हस्पिटल बुटवल रिफर गरिएकोमा घाइते परियारको उपचारको क्रममा परियारको चैत ३० गते मृत्यू भएको जिल्ला प्रहरी कार्यालय प्यूठानले जनाएको छ ।
घटनास्थलबाट प्रहरीले मोवाइल फोन बरामत गरेपछि हत्यामा संलग्न भएको आरोपमा गौमुखी गाउँपालिका ४ खलावांगका २७ बर्षिय बिक्रम केसीलाई नियन्त्रणमा लिएको थियो । अनुसन्धानका क्रममा अन्य तिनजना पनि घटनामा संलग्न भएको आरोपमा प्रहरीले पक्राउ गरेको छ । पक्राउ पर्नेहरुमा बिक्रम केसीका भाइ बिश्वास केसि, सोहि ठाउँका १९ बर्षिय रवि केसि र सोही ठाउँकै अर्का एक जना १५ बर्षिय बालकलाई नियन्त्रणमा ल्याएको प्रहरी निरिक्षक हरि भट्टराईले जानकारी दिए ।
प्रहरीले लुकाएर राखेका दुई थान भरूवा बन्दुक मोवाइल फोन बरामद गरेको आज पत्रकार सम्मेलनको आयोजना गर्दै जानकारी दिएको छ । हत्यामा संलग्नलाई पक्राउ गरी जिल्ला अदालत प्यूठानबाट ५ दिनको म्यादथप गरी अनुसन्धान अघि बढाएको छ ।