उद्योग बाणिज्य तथा उपभोक्ता हित संरक्षण निर्देशनालयद्धारा प्यूठानमा बजार अनुगमन

उद्योग बाणिज्य तथा उपभोक्ता हित संरक्षण निर्देशनालयले प्यूठानका बिभिन्न स्थानका पसलहरुमा अनुगमन गरेको छ । घरेलु तथा साना उद्योग कार्यालय प्यूठानसंगको समन्वयमा निर्देशनालयले जिल्लाका १४ बढि पसलहरुमा अनुगमन गरेको छ ।
जिल्लामा उपभोक्ता हितसंरक्षण र बजार व्यवस्थापनलाई प्रभावकारी बनाउने उद्देश्यले अनुगमन गरिएको हो । मसिर ८ गते मल्लरानी गाउँपालिकाको खलंगा बसपार्क र पार्टिचोकका ७ वटा होटल, पसलहरुमा अनुगमन गरिएको थियो भने मसिंर ९ गते मल्लरानी गाउँपालिकाको खलंगा क्षेत्र तथा प्यूठान नगरपालिकाको मरन्ठानाका ७ वटा पसल, होटल तथा उद्योगहरुमा अनुगमन गरिएको हो ।
अनुगमनका क्रममा मुल्यसुचि नराखिएको, वस्तु तथा सेवाको गुणस्तर, मूल्यसूची, दर्ता, स्वच्छता, म्याद विवरण जस्ता विषयमा स्थलगत अनुगमन गरिएको घरेलु तथा साना उद्योग कार्यालय प्यूठानले जनाएको छ ।
निर्देशनालयकी निर्देशक शारदा बस्याल बेल्वासेको संयोजकत्वमा अनुगमन गरिएको थियो ।