सडकको क्षेत्राधिकार भित्रका घर टहरा हटाउन झिमरुक गाउँपालिकाद्धारा आब्हान

झिमरुक गाउँपालिका अन्र्तगत बतासेडाडा जिमुरखोला सडकखण्डको क्षेत्राधिकार भित्र पर्ने संरचना हटाउने बिषयमा सर्वपक्षिय छलफल आज झिमरुक गाउँपालिकामा सम्पन्न भएको छ ।
बतासेडाँडाँ, ज्याम्मुरखोला खण्डको सडक क्षेत्राधिकारको दायाँ वायाँ रहेका घर गोठ, टहरा र संरचना हटाउने बिषयमा स्थानिय, सरोकारवाला लगाएतको समन्वयात्मक बैठक सम्पन्न भएको हो । झिमरुक गाउँपालिकाका अध्यक्ष पित बहादुर महतरा क्षेत्रीको अध्यक्षमा बसेको बैठकले स्थानियसंग संरचना हटाउने बिषयमा सर्बसहमत निर्णय गरेको हो । सडकको क्षेत्राधिकारमा पर्ने संरचनाहरु हटाउन ३५ दिने सुचना जारी गर्ने र उक्त संरचनाहरु स्वयम जग्गाधनीले खै हटाउने निर्णय भएको गाउँपालिकाका अध्यक्ष पित बहादुर महतरा क्षेत्रीले जानकारी दिनुभयो ।

सडक निर्माणको क्रममा सडकको क्षेत्राधिकार भित्र ७.५ मिटर दाँया र ७.५ बाँया मा रहेका घर, टहरा तथा अन्य संरचना हटाउन गाउँपालिकाले ३५ दिने सुचना जारी गरेको हो । गाउँपालिकाले १५ मिटर सडक क्षेत्राधिकार भित्रका संरचना हटाउन आग्रह गरिएको गाउँपालिकाका प्रमुख प्रशासकिय अधिकृत अमरराज सेजुवालले जानकारी दिनुभयो ।
गाउँपालिकाका अध्यक्ष पित बहादुर महतरा क्षेत्रिका अनुसार सडक क्षेत्राधिकार भित्रका संरचना हटाउदा ३ जनाको घरबासै नभएको पाइएको र उनीहरुको उचित ब्यवस्थापन गाउँपालिकाले गर्ने बताउनु भयो । उक्त बिषयमा आगामी कार्यपालिका बैठकबाट निर्णय गरिने उहाको भनाई छ ।