सदरमुकाम खलंगामा बजार अनुगमन,व्यबसायमा खाद्य स्वच्छता र सरसफाई कायम गर्न निर्देशन

प्यूठान

खाद्य प्रविधी तथा गुण नियन्त्रण डिभिजन कार्यालय तुलसीपुर र जिल्ला प्रशासन कार्यालय प्यूठानको सयुक्त आयोजनामा आज प्यूठानको सदरमुकाम खलंगामा बजार अनुगमन गरेको छ । मल्लरानी गाउँपालिका ४ खलंगाका ११ वटा पसलमा गरिएको अनुगमनका क्रममा ६ हजार रुपैया बराबरका म्याद गुज्रीएका, लेवल नलगाएका तथा अखाद्य बस्तु मिसाइएको सामान बरामद गरि नष्ट गरिएको हो ।
अनुगमनका क्रममा दर्ता नगरी ब्यवसाय सञ्चालन गरेको, खाद्य बस्तु र अखाद्य बस्तु संगै राखेको  पाइएकाले त्यसलाई सुधार गर्न निर्देशन दिइएको खाद्य प्रविधी तथा गुण नियन्त्रण डिभिजन कार्यालय तुलसीपुरका प्रमुख पदम बरालले जानकारी दिनुभयो ।