सुरु भयो हाडीगैरा बतासेडाडा सडक निर्माणको काम

लुम्वीनी प्रदेश सरकारको सहयोगमा बाग्दुला मच्छी सडकखण्ड मध्ये हाडीगैरा बतासेडाडा सडक स्तरोन्नतीको काम आजबाट सुरु भएको छ । सडक पुर्वाधार कार्यालय प्यूठानका कार्यालय प्रमुख सचिधानन्द चौधरीका अनुसार हाडीगैरादेखी बतासेडाडा ५ किलोमिटर सडक स्तरोन्नती र कालोपत्रे गर्नेगरी काम सुरु भएको हो । आसु हरीयाली जेभिले दुई बर्षभित्र सडक निर्माण सक्नेगरी ठेक्का सम्झौता गरेको कार्यालय प्रमुख चौधरीले जानकारी दिनुभयो । दुई बर्षमा निर्माण सम्पन्न गर्ने योजनामा अहिले सडक स्तरोन्नती सहित कालोपत्रेगर्ने सम्मको काम रहेका छन् । ५ करोड ५० लाख रुपैयामा ठेक्का सम्झौता भएको कार्यालयले जनाएको छ ।