प्युठानमा पिकअप दुर्घटना, दुई जना घाइते

रविन विश्वकर्मा,प्युठान । प्युठानमा पिकअप गाडी दुर्घटना हुदा २ जना घाईते भएका छन्। स्याउलिवाङ‌बाट बाग्दुला अाउदै गरेको लु प्र ०१-००१ ज ००१० नं को पिकअप नौबहिनी गाउँपालिका २ लिघाकाे जौरी विसौनामा शुक्रबार बिहान दुर्घटना भएको हो।

दुर्घटनामा परि चालक नौबहिनी गाउँपालिका २ लिघाका २३ बर्षिया देवु पुरी र सहचालक साेहि वडाका  १७ बर्षिया सन्तोष पुरी घाइते भएकाे जिल्ला प्रहरी कार्यालय प्युठानका सुचना अधिकारी तथा प्रहरी निरीक्षक केशव केसीले जानकारी दिनुभयो ।

घाइते २ जना मध्ये सह चालकाे अवस्था गम्भीर छ । उनकाे टाउकोमा चोट लागेकाे छ । घाइतेहरुकाे उद्वार गरी उपचारको लागि जिल्ला अस्पताल बिजुवार ल्याईएकाे छ । प्रहरीका अनुसार गाडि सडकदेखि करिब ७० मिटर तल खसेको छ ।