मल्लरानी खाना महोत्सवमा प्युठान टेलिकमले निःशुल्क सिमकार्ड वितरण गर्ने

रविन विश्वकर्मा, प्युठान ।नेपाल टेलिकम दूरसञ्चार कार्यलय प्युठाने तेस्रो मल्लरानी खाना महोत्सवमा निःशुल्क सिमकार्ड वितरण गर्ने भएको छ । प्यूठान उद्योग वाणिज्य संघ मल्लरानी बजार क्षेत्रको आयोजनामा भोलि चैत ३१ गतेदेखि वैशाख २ गते सम्म संञ्चालन हुने खाना महोत्सवमा टेलिकमको स्टलबाट प्रिपेड सिमकार्ड निःशुल्क रुपमा वितरण गर्ने भएको हो । आम नागरिकलाई संञ्चारको पहुँचमा पु¥याउने उदेश्य सहित निःशुल्क सिमकार्ड वितरण गर्न लागेको दूरसञ्चार कार्यलय प्युठानका प्रमुख कृष्ण श्रेष्ठले जानकारी दिनुभयो ।

सिम लिनकै लागि दुर्गम क्षेत्रका उपभोक्ताहरु धेरै पैसा र समय खर्चेर सदरमुकाम खलंगा सम्म आउनु पर्ने समस्यालाई मध्येनजर गदै महोत्सवमै वितरण गर्न लागेकको बताउनुभयो । सिमकार्ड लिन एक प्रती नेपाली नागरीकताको फोटोकपि र एक प्रती पासपोट साइजको फोटो साथमा लिएर आउन आग्रह गरिएको छ ।