प्युठान, २०८२ असार ३१। प्युठानको सरुमारानी गाउँपालिका-३ गोठेरीमा धारिलो हतियार प्रहार गरी एक महिलाको हत्या भएको छ।
२८ वर्षीया रुकमनी बरालको घाँटी रेटी हत्या भएको हो। घटनामा संलग्न रहेको आरोपमा रुकमनीका पूर्व-पति ३० वर्षीय लीला बहादुर बराललाई प्रहरीले नियन्त्रणमा लिएको छ। स्थानीय दलित महिला सदस्य आशा विकले दिएको जानकारी अनुसार असार ३१ गते बिहान करिब १०:१० बजेको समयमा रुकमनी बराल सरुमारानी गाउँपालिका-३ गोठेरीस्थित डिला परियारको घरमा बसिरहेको अवस्थामा उनका पूर्व-पति लीला बहादुर बरालले एक्कासी चक्कु प्रहार गरी घाँटी रेटेका थिए।
घटनाको जानकारी प्राप्त हुनासाथ प्रहरी चौकी बडडाँडा प्युठानबाट प्रहरी सहायक निरीक्षकको कमान्डमा ४ जनाको टोली र इलाका प्रहरी कार्यालय बिजुवार प्युठानबाट प्रहरी निरीक्षक मिलन पाण्डेको कमान्डमा सोको (SOCO) सहित ५ जनाको टोली घटनास्थलमा खटिएको थियो। हत्यारा भनिएका लीला बहादुर बराल प्रहरीको नियन्त्रणमा आइसकेका छन् र घटनाबारे थप अनुसन्धान कार्य अगाडि बढाइएको प्रहरीले जनाएको छ।
mandavionline
प्रतिक्रिया