अरिङ्गालको टोकाइबाट प्यूठानमा एक जनाको मृत्यु 

प्यूठानमा अरिङ्गालको टोकाइबाट एक जनाको मृत्यु भएको छ। माण्डवी गाउँपालिका–४ उदयपुरकोटका ४० वर्षीय कुलबहादुर पिर्की मगरको उपचारका क्रममा मृत्यु भएको हो।

प्रहरी चौकी देविस्थानका अनुसार पिर्की मगरलाई भदौ १९ गते साँझ घरनजिकैको जंगलमा अरिङ्गाल काट्ने क्रममा अरिङ्गालले टोकेको थियो।

स्थानीय स्वास्थ्य चौकीमा सामान्य उपचारपछि थप उपचारका लागि भदौ २० गते बिहान जिल्ला अस्पताल बिजुवार ल्याइएकोमा अस्पतालले बिहान साढे ९ बजे मृत घोषणा गरेको जिल्ला प्रहरी कार्यालय प्यूठानले जनाएको छ।