सरुमारानीमा कुसुण्डा भाषा सम्बन्धि राष्ट्रिय स्तरको १५ दिने आधारभुत तालिम सुरु

कुसुण्डा भाषा सम्बन्धि राष्ट्रिय स्तरको १५ दिने आधारभुत तालिम आजदेखी सरुमारानी गाउँपालिकामा सुरु भएको छ । लोपोन्मुख भाषा संरक्षणका लागी देशभर रहेका कुसुण्डा जातीहरुको प्रतिनिधीहरुको सहभागीता रहेको छ । तालिमको उद्घाटन गर्दै प्रतिनिधी शभा सदश्य सुर्य थापाले राष्ट्रिय सम्पत्तीको रुपमा रहेको कुसुण्डा जातिको भाषाको संरक्षण गर्नु राज्यको दायित्व रहेको बताउनुभयो । लोपोन्मुख समुदायको भाषा संस्कृति संरक्षणसँगै एकीकृत बस्ती बिकास गर्नुपर्नेमा उहाँले जोड दिनुभयो । एकीकृत बस्तिले भाषा, संस्कृति संरक्षणमा टेवा पुग्ने उहाँको भनाई थियो । भाषा, सस्कृती पहिचान लोप हुन लागेकोले भाषालाई जिवित राख्नुपर्छ भन्ने मान्यताका साथ तालिम आयोजना गरिएको सरुमारानी गाउँपालिकाका अध्यक्ष झगबहादुर बिश्वकर्माले बताउनुभयो । भाषा, संस्कृति अधिकार सम्बन्धि एकल अधिकार संबिधानले गाउँपालिकालाई दिएकोले सो सम्बन्धि ऐन समेत बनाएको उहाले जानकारी दिनुभयो ।
कला संस्कृतीको संरक्षणका लागी राष्ट्रिय स्तरको तालिमको आयोजना गरेकोमा लुम्वीनी प्रदेश शभा सदश्य तुल्सीराम शर्माले गाउँपालिकाको प्रशंसा गर्नुभयो । १५ दिनसम्म चल्ने तालिमको प्रशिक्षण उदय राज आले र कमला कुसुण्डाले गर्नुहुने छ ।
प्यूठान जिल्लाका सरुमारानी सहित ऐरावाती–६, स्वर्गद्वारी–२ मा गरि ५१ जना कुसुन्डा जातिको बसोवास रहेकोछ । यससहित नेपालका ८ जिल्लामा रहेका कुसुण्डा जातीको बसोबास रहदै आएको छ ।
प्यूठान सहित दाङ, सुर्खेत, रोल्पा, अर्घाखाँची, कपिलवस्तु, तनहुँ र गोर्खा जिल्लामा कुसुन्डा जातिको बसोवास रहेको नेपाल कुसुन्डा विकास समाजका अध्यक्ष धन बहादुर कुसुन्डाले बताउनुभयो । २०७८ को जनगणना अनुसार २७३ जनसंख्या रहेको छ ।